No menu items!
Ballina FUTBOLLI NDËRKOMBËTAR Pogba: Manchester United nuk ka kuptim pa trofe

Pogba: Manchester United nuk ka kuptim pa trofe

Paul Pogba thotë se ekzistenca e Manchester United ka të bëjë me fitimin e trofeve. Me këtë, kampioni i botës më 2018 nxit të tijtë të triumfojnë në “Fa Cup”dhe “Europa League”. Pra, ky sezon debutimi për Solskjaer mund të ketë një përfundim pozitiv në “Old Trafford”. “Djajtë e Kuq” janë vetëm një pikë larg vendit të katërt në Premier League, i cili mjafton për t’u kualifikuar në Ligën e Kampionëve për sezonin e ardhshëm.

Pogba, i rikthyer nga një lëndim i gjatë, është i vendosur të luftojë deri në fund për medalje të tjera në koleksionin e tij. Ndërkombëtari francez tha për “United Review”: “Manchester United ekziston për trofe, ne e dimë këtë. Ka ende trofe, që mund t’i fitojmë në këtë sezon. Ne nuk duam ta shpërdorojmë këtë mundësi. Do të bëjmë çmos t’i bëjmë tonët dy trofetë e mbetur në lojë.

Ndihemi mirë si skuadër. Ky është mentaliteti pozitiv që na duhet, shoqëruar me rezultate pozitive. Duhet të vijojmë të luajmë si në ndeshjet e fundit. Çdo lojë është një finale për ne, ndaj duhet të marrim rezultatin që na nevojitet. Ky është mentaliteti. Nuk është kurrë mjaftueshëm për ne. Duhet të vazhdojmë të luftojmë, të bëhemi më të mirë”.

Besimi është duke u rritur në “Old Trafford”, me Manchester United që ka grumbulluar 17 ndeshje radhazi pa humbje, në të gjitha garat. Solskjaer mezi pret të tregojë se asgjë nuk është arritur akoma, por Pogba është në mesin e atyre që ndjehen të fortë. Mesfushori 27-vjeçar shtoi: “Ashtu siç thashë më parë, ka të bëjë me ekipin. Tashmë jemi në formën e duhur, e tregojnë edhe rezultatet.

Ndonjëherë më parë ndoshta ishim tepër mbrojtës, ose shumë sulmues; nuk e kishim këtë ekuilibër ose kontroll. Përmirësimi është i madh dhe ju mund ta shihni këtë. Gjithmonë është mirë të përmirësohesh në futboll, nuk duhet ta ndaloni këtë proces. Ne e dimë mirë se duhet të vazhdojmë punën. Ka ende shumë gjëra për t’u bërë, ne nuk jemi akoma atje ku duhet, por po ecim në rrugë të mbarë”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Flet i pari i FFK-së: Asnjë lojtar nuk na ka refuzuar; Kosova i ka vetëm dy uniforma shpirtërore!

Muaji mars është muaji në të cilin Kombëtarja e Kosovës në futboll do t’i zhvillojë tri sfida shumë interesante. “Dardanët” do të ndeshen së...

Ponte Prizreni mposht Golden Yllin dhe bëhet lider

Ponte Prizreni e ka fituar kryendeshjen e javës së 22-të në Superligën e Kosovës në basketboll. Skuadra e drejtuar nga Arbnor Rifati ka fituar në...

Pasi solli në jetë binjaket, rikthehet në top formë prezantuesja e sportit Maki Bajrami

Ajo është një nga gazetaret dhe prezantueset më të njohura të sportit. Maki Bajrami mungoi për një kohë në...

Kapiteni besnik i Trepçës ‘89, “Muli” synon daljen në Evropë

Trepça ‘89 është ndër skuadrat me rezultatet më të mira në stinorin pranveror në Superligën e Kosovës në futboll. Fitorja 2:1 të premten kundër...

Recent Comments