No menu items!
Ballina LIGAT E TJERA SERIE A Pioli: Do të më largojnë nga Milani? Llogaritë bëhen në fund, unë...

Pioli: Do të më largojnë nga Milani? Llogaritë bëhen në fund, unë flas me punë

“Nuk e di nëse klubi tashmë ka vendosur, por nuk është shqetësimi im apo i lojtarëve të mi. I vetmi shqetësim i yni është të bëjmë mirë. Ne po korrim përfitimet e punës së filluar në tetor. Duhet të bëjmë gjithçka mundemi për të siguruar që ne dhe klubi të jemi të kënaqur. Pastaj, drejtuesit do të marrin vendimet e duhura. Ne flasim me punë. Secili prej nesh ka ambicie personale, që mund të përmbushen vetëm nëse punojmë si ekip”, – tha trajneri i kuqezinjve, Stefano Pioli, i pyetur mbi zërat se gjermani Ragnick do t’i zërë vendin në fund të këtij sezoni.

Në prag të sfidës së fortë me Napolin, kundër ish-lojtarit dhe trajnerit të kuqezinjve, Gattuso, kryepankina e kuqezinjve u shpreh: “Para Covid-19 ishim të shtatët në renditje, edhe sot jemi aty, akoma. As unë dhe as lojtarët nuk do të ishim të lumtur, ta përfundonim kampiontin të shtatët, kështu që duhet të përpiqemi të arrijmë tek ata që janë përpara nesh, të përpiqemi të përmirësojmë renditjen tonë, që nuk është ashtu siç do të donim në fund të kampionatit. Është e kotë të hedhim një vështrim prapa. Në fillim nuk kemi pasur vazhdimësi, për faktin se patëm punuar pak së bashku. Duhet kohë për të ndërtuar një model të lojës, një filozofi. Tani duhet ta mbarojmë kampionatin mirë.

Janë edhe 7 ndeshje për t’u luajtur në 20 ditë, shumë pikë në lojë, mjaft sfida të rëndësishme. Nesër kemi një ndeshje shumë të vështirë, Napoli është ekip i shkëlqyeshëm, me cilësi, me një trajner që i ka dhënë mentalitetin e duhur. Ata po bëjnë mirë, edhe ne, po ashtu, kështu që mendojmë të ruajmë këtë ritëm deri në fund të sezonit. Llogaritë bëhen në fund, kemi akoma shumë për të dhënë. Sezoni përfundon më 2 gusht të gjithë lojtarët e mi janë duke menduar vetëm për të dhënë më të mirën e tyre. Në fund mund të marrim vlerësime më të plota për ato që kemi bërë”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Flet i pari i FFK-së: Asnjë lojtar nuk na ka refuzuar; Kosova i ka vetëm dy uniforma shpirtërore!

Muaji mars është muaji në të cilin Kombëtarja e Kosovës në futboll do t’i zhvillojë tri sfida shumë interesante. “Dardanët” do të ndeshen së...

Ponte Prizreni mposht Golden Yllin dhe bëhet lider

Ponte Prizreni e ka fituar kryendeshjen e javës së 22-të në Superligën e Kosovës në basketboll. Skuadra e drejtuar nga Arbnor Rifati ka fituar në...

Pasi solli në jetë binjaket, rikthehet në top formë prezantuesja e sportit Maki Bajrami

Ajo është një nga gazetaret dhe prezantueset më të njohura të sportit. Maki Bajrami mungoi për një kohë në...

Kapiteni besnik i Trepçës ‘89, “Muli” synon daljen në Evropë

Trepça ‘89 është ndër skuadrat me rezultatet më të mira në stinorin pranveror në Superligën e Kosovës në futboll. Fitorja 2:1 të premten kundër...

Recent Comments