Drita ka fituar derbin me kampionin aktual Feronikeli me rezultat 2:1. Klubi nga Gjilani me këtë fitore ka bërë një tjetër hap të madh drejt titullit të kampionit.
Golat e fitores për vendësit i shënuan Erion Vucaj dhe Fidan Gerbeshi nga një penallti në pjesen e dytë. Ndërsa golin për Niklin e shënoi Besmir Bojku.
Me këtë fitore Drita renditet në pozitën e parë me 64 pikë.
Flamurtari triumfoi në spektaklin e golave në shtëpi ndaj Dukagjinit, ekipi të cilin e mposhti me shifrat 4:3.
Ndërsa, Trepça ’89 është ndalur në barazim 1:1 në shtëpi nga Vushtrria.
Pas këtyre rezultateve, Drita mban kryesimin e tabelës me 64 pikë, 5 më shumë sesa vendi i dytë, që mbahet nga Ballkani.
Kurse, Feronikeli mbetet në pozitën e pestë me 44 pikë.
Flamurtari tash ngjitet në vendin e gjashtë me 40 pikë, kurse Trepça ’89 ka 35 pikë në pozitën e nëntë.
Me këto tri ndeshje që u zhvilluan sot përfundoi xhiroja e 29-të e Superligës.
