No menu items!
Ballina SPORTE TJERA BESA FITUESE E KUPËS NË HENDBOLL

BESA FITUESE E KUPËS NË HENDBOLL

Me një ndeshje shumë të fortë ka përfunduar edicioni 2019/20 në hendbollin kosovar.

Besa Famgas ka kompletuar një edicion perfekt duke ia shtuar Kupën e Kosovës trofeut të kampionit që e kishte fituar më herët. Besa Famgas në finale të Kupës së Republikës së Kosovës (meshkujt) e mposhti Prishtinën me rezultat të ngushtë, 23:21. Finalja u luajt në Pallatin e Rinisë në Prishtinë.

Kupën për Besën e kanë ndarë ministrja për Kulturë, Rini dhe Sport, Vlora Dumoshi dhe presidenti i FHK-së, Eugen Saraçini. Medaljet e arta për lojtarët e Besës i kanë ndarë presidenti i KOK-ut, Besim Hasani dhe Ibër Alaj, drejtor i Departamentit të Sportit.

Armand Çakalli i Federatës Shqiptare të Hendbollit dhe Afërdita Fazlija, zv. drejtoreshë e DS ndanë medaljet e argjendta për Prishtinën.

Finalja ishte shumë e fortë, bindshëm ndeshja më e fortë e këtij edicioni.

Prishtina kishte epërsi fillestare kurse rezultati u barazua në minutën e 11-të. Më pas Besa Famgas kaloi në epërsi kurse pjesa e parë përfundoi me rezultat 12:10. Rezultati i ngushtë ishte edhe gjatë gjithë pjesës së dytë. Prishtina u afrua në një gol në katër raste, por pa ia dalë të barazojë. Loja ishte e hapur deri në fund. Sidomos në mbrojtje skuadrat ishin pa kompromis.

Te Besa Famgas u dallua me efikasitet Drilon Tahirukaj me 10 gola. Kontribut dha edhe portieri Arti Luzha si dhe gjithë të tjerët. Te Prishtina 8 gola i shënoi D. Terziqi, kurse pritje të shumta kishte portieri Armir Agushi.

Besa Famgas – Prishtina 23:21 (12:10)

Besa Famgas: Mehmeti, Luzha, Y. Muqolli, Idrizi 3, Gjuka 3, Jupa 4, J. Muqolli, Ramosaj 2, Vokshi, Kukrika, Prce 1, Visoka, Tafilaj, Mushkolaj, Tahirukaj 10
Prishtina: Terziqi 8, Beshiri 1, Abazi 1, Bajqinovci 1, Prekazi 5, Rr. Ramadani 1, Gjuka, Ademi, Sula 4, M. Ademi, Sherifi, D. Ramadani, H. Ramadani, Qela, Agushi, Beqiraj.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Laporta flet pas rizgjedhjes si president: Shkojmë në Paris për përmbysjen

I lumtur, rrezatues dhe i kënaqur, shumë i kënaqur. Kjo është mënyra se si Joan Laporta, presidenti i ri i Barcelonës, ​​u prezantua para...

Rexha: Shpresoj ta kemi kaluar krizën

Sulmuesi i Dritës, Kastriot Rexha ka thënë se synimi i tyre i radhës është triumfi në ndeshjen derbi kundër Gjilanit. Ndeshja derbi në mes...

Agim Ademi nuk e përjashton mundësinë për një tjetër mandat në krye të FFK-së

Agim Ademi nuk e përjashton mundësinë që të kandidojë edhe për një mandat në krye të FFK-së. Ademi ka...

FBK e nominon Linda Shalën për kryetare të KOK-ut

Federata e Basketbollit e Kosovës (FBK) sot më 8 mars e ka zyrtarizuar nominimin e nënkryetares së Bordit të FBK-së, Linda Shala...

Recent Comments