No menu items!
Ballina SUPERLIGA SALIHU NUK BESON SE TIFOZËT DO TË LEJOHEN NË STADIUME GJATË KËTIJ...

SALIHU NUK BESON SE TIFOZËT DO TË LEJOHEN NË STADIUME GJATË KËTIJ EDICIONI

Përkundër që Qeveria vendosi t’i lejojë tifozët të kthehen në stadiume për ndeshjet e ekipeve të tyre të zemrës, sekretari i përgjithshëm i Federatës së Futbollit të Kosovës, Eroll Salihu, beson se ky është një rrezik që s’duhet të ndërmerret – për dallim nga trajneri i Prishtinës, Armend Dallku, i cili e vlerësoi këtë si vendimin e dytë më të mirë që nga kthimi i futbollit.

Pas tre muajve pushim nga përhapja e virusit Covid-19, liga elitare e futbollit në Kosovë rinisi në qershor.

E përderisa tifozët iu gëzuan kthimit të futbollit, ata s’patën mundësi t’i shijojnë ndeshjet siç do të mundë të kishin dëshiruar.

Si masë parandaluese për Covid-19, Ministria e Shëndetësisë dhe Federata e Futbollit e Kosovës arritën marrëveshje për një protokoll për kthimin e ligës dhe kupës vendore, por duke e sakrifikuar praninë e tifozëve në stadium.

Në ndeshjet e zhvilluara deri më tani në Ipko Superligë dhe Kupë të Kosovës, tifozët kanë qenë duke u grumbulluar në ndërtesat përreth stadiumeve për t’i dhënë përkrahjeve ekipeve të tyre, përderisa thirrjet për lejimin e tifozëve në stadium kanë qenë të vazhdueshme.

Këto thirrje morën përgjigje pozitive nga Qeveria të martën, pasi që u shfuqizua vendimi i mëhershëm që i ndalonte aktivitetet publike dhe tubimet sportive, duke i lejuar kështu tifozët në stadiume nga 1 korriku.

Këtë vendim e mirëpriti trajneri i Prishtinës, Armend Dallku, i cili ka kërkuar vazhdimin kthimin e tifozëve në stadiume.

“Ky është vendimi i dytë më i mirë që ka ardhur që nga kthimi i futbollit. Domethënë pas vendimit që të rinisë sezoni në Ipko Superligë, ky është vendimi më i mirë që mund të ishte marrë”, tha Dallku për Gazetën Express.

“Ne e dimë që futbolli luhet për tifozë dhe pa ata nuk është kurrë njëjtë, kështu që do të ishte më mirë për skuadrat ta kenë përkrahjen e tifozëve në stadiume”.

Megjithatë, Dallkut dhe trajnerëve të tjera të Superligës që kanë kërkuar kthimin e tifozëve në stadiume mund të mos u plotësohet dëshira prapëseprapë.

Kjo pasi që sekretari i përgjithshëm i Federatës së Futbollit të Kosovës, Eroll Salihu, e ka vlerësuar kthimin e tifozëve si të rrezikshëm.

I pyetur nga Gazeta Express se a do të kthehen tifozët në stadiume pas këtij vendimi, Salihu tha:

“Jo, nuk besoj. Rreziku është i madh, por Komiteti Ekzekutiv do ta shqyrtoj këtë vendim”.

“Shpresoj që bile sezoni i ardhshëm të luhet me publik”.

Artikulli paraprakSOT “FINALJA” E MBIJETESËS
Artikulli i ardhshëmLËNDOHET RASHICA

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Lajm i mirë për tifozët e Kosovës, Rashica po kthehet në formë

Me një lëvizje mjeshtërore kaloi një mbrojtës. E kaloi edhe mbrojtësin e dytë, duke shfrytëzuar potencialin e madh teknik. Pasoi një gjuajtje e bukur,...

Cassano paralajmëron Interin: Do të ishte një katastrofë e vërtetë

Antonio Cassano, ish-sulmuesi i Inter-it, Milan-it dhe Roma-s, ka folur në kanalin Youtube të gazetarit Stefano Borghi. Ish-futbollisti ka folur në lidhje me luftën për...

Paraqitje e shkëlqyeshme e Rashicës, Werderi triumfon me përmbysje

Werder Bremen ka arritur të fitojë me përmbysje ndaj Eintracht Frankfurtit me rezultat 2:1, duke i arkëtuar tri pikë tejet të rëndësishme. Milot Rashica “eklipsoi”...

Revolucion te Marseille! Prezantohen trajneri dhe presidenti i ri

Olimpique Marseille po përjeton një revolucion të vërtetë në klub, pasi ka ndryshuar trajner dhe president. Klubi francez ka bërë një komunikatë zyrtare, ku...

Recent Comments