No menu items!
Ballina SPORTE TJERA FILLON PUNA PËR JETËSIMIN E LIGËS SË PËRBASHKËT KOSOVË-SHQIPËRI

FILLON PUNA PËR JETËSIMIN E LIGËS SË PËRBASHKËT KOSOVË-SHQIPËRI

Sot nëpërmjet një videokonference është mbajtur takimi i parë i ekipeve teknike të Federatës së Basketbollit të Kosovës (FBK) dhe Federatës Shqiptare të Basketbollit (FSHB), të cilat do të punojnë në përgatitjet e dokumenteve dhe akteve normative të ligës së përbashkët.

Në këtë takim morën pjesë edhe Kryetari i FBK-së, Arben Fetahu dhe kryetari i FSHB-së, Avni Ponari.

Ekipet teknike do të udhëhiqen nga Sekretarët e Përgjithshëm të të dyja Federatave, derisa i gjithë procesi i përgatitjes së dokumenteve do të përfundojë deri në javën e dytë të muajit qershor, kur edhe pritet të nënshkruhet marrëveshja ndërmjet të dyja Federatave për themelimin e ligës së përbashkët.

Arben Fetahu, Kryetar i FBK-së:

“Ideja e kamotshme e themelimit të një lige të përbashkët të basketbollit mes Federatës Shqiptare të Basketbollit dhe Federatës së Basketbollit të Kosovës do të realizohet nga edicioni garues 2020-2021. Marrëveshja e bashkëpunimit dhe financimit të Ligës Kombëtare në Basketboll do të formalizohet mes FSHB-së dhe FBK-së gjatë muajit qershor 2020, për një periudhë 4-vjeçare me mundësi vazhdimi.

Arben Fetahu, kryetar i FBK-së

Qëllimi i Ligës do të jetë ofrimi i një mjedisi konkurrues ndërkombëtar për ekipet e shteteve pjesëmarrëse, nxitja e konkurrencës mes klubeve dhe sigurimi i ndeshjeve ndërkombëtare dhe hapësirës në parket për lojtarët vendorë.

FBK dhe FSHB do të delegojnë nga katër ekipe për pjesëmarrje në Ligë. Për edicionin garues 2020-2021 do të vendoset sistemi i garave me vajtje-ardhje, me 14 xhiro të rregullta, në të cilat secili ekip me secilin luan së paku dy ndeshje. Liga do të mbikëqyret nga Bordi Drejtues i Ligës, në të cilin federatat pjesëmarrëse i delegojnë nga 2 përfaqësues, ndërsa përfaqësuesit e federatave në këtë bord e emërojnë unanimisht anëtarin e pavarur të bordit i cili do të shërbejë edhe si Kryetar i Bordit të Ligës”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Nga gara për titullin kampion, deri te ndeshjet e Kombëtares, flet Armend Thaqi

Ballkani ka filluar të marrë frymë më lehtë pas fitores së fundit në vikend ndaj Drenicës në shtëpi. Skuadrën e Bledi Shkëmbit e pret...

Sa më shumë që forcohet gara, aq më shumë rriten akuzat ndaj arbitrave

Arbitrat e futbollit në Kosovë janë në qendër të vëmendjes në fillim të stinorit pranveror, por jo për të mirë. Pas çdo xhiroje akuzat...

FFK mbajti trajnimin e parë online për sistemin VAR

Ekipi i projektit VAR në FFK është duke punuar me intensitet në procesin e implementimit të tij. Puna në këtë projekt ka...

Avni Nuha rizgjidhet kryetar i Federatës së Çiklizmit të Kosovës

Në Kuvendin e Punës dhe Zgjedhor të mbajtur nga Federata e Çiklizmit e Kosovës, delegatët ia kanë besuar edhe një mandat tjetër...

Recent Comments