No menu items!
Ballina SUPERLIGA KAPITENËT E SKUADRAVE TË SUPERLIGËS DAKORDOHEN PËR VAZHDIM TË KAMPIONATIT

KAPITENËT E SKUADRAVE TË SUPERLIGËS DAKORDOHEN PËR VAZHDIM TË KAMPIONATIT

Shoqata për Mbrojtjen e të Drejtave të Futbollistëve të Kosovës ka dalë me një komunikatë ku thotë se së bashku me kapitenët e skuadrave të Superligës janë dakorduar për vazhdim të kampionatit.

Më poshtë mund të lexoni komunikatën e plotë të SHMDFK-së:

Në vijim të takimit të fundit të mbajtur me anëtarët e bordit dhe kapitenët e Superligës së futbollit, Shoqata për Mbrojtjen e të Drejtave të Futbollistëve të Kosovës njofton opinionin e gjerë se kemi pajtueshmëri të plotë për vazhdimin e pjesës së mbetur të kampionatit. Pavarësisht pozitës tabelare të skuadrave të tyre dhe nevojës për ndryshim të kalendarit sezonal, futbollistët janë të gatshëm që ndeshjet e mbetura të zhvillohen pasi që gjendja e tyre ekonomike do të rëndohej edhe më shumë nëse kampionati do të anulohej. Tanimë e dijmë që ka klube të cilat nuk i kanë paguar futbollistët e tyre me muaj dhe nëse nuk do të paguheshin as për muajt në vazhdim, atëherë do të rrezikohej dukshëm mirëqenia e tyre dhe e familjeve të tyre.
Normalisht se ShMDFK dhe kapitenët bëjnë thirrje që një vendim i tillë eventual të vie si pasojë e shterrimit të konsultimeve në mes institucioneve përgjegjëse qeveritare (MSh, MKRS) dhe atyre sportive (ShMDFK, KOK, FFK), dhe pashmangshmërisht të konsultohet IKSHPK – për rekomandime shtesë. Futbollistët janë të vetëdijshëm për ndikimin serioz të pandemisë në aspekt shëndetësor; por, pa harruar kurrsesi edhe atë ekonomik, gjë të cilën e kanë ndjerë direkt në mirëqenien e tyre.
Njëlloj si në komunikatën tonë të bërë publike më 6 prill 2020, ritheksojmë nevojën e rëndësisë së lartë për të thelluar bashkëpunim me institucionet e lartëpërmendura me qëllim që zëri i futbollistëve të respektohet. Shoqata përsërit poashtu nevojën e krijmit të një komisioni (grupi punues) të mandatuar për analizimin e situatës aktuale në futboll, dhe ofrimit të zgjidhjes më optimale për të siguar vazhdimin e kampionati. Poashtu, vlerësojmë se referencë e mirë për aspektin e mbrojtjes së shëndetit të secilit prej nesh janë praktikat më të mira nga Evropa dhe më gjerë.

Me respekt!
Bordi i ShMDFK

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Dramë në Drenas, Alidema e rikthen Dritën në pozitën e parë

Festim Alidema ka shënuar një supergol në minutën e 5-të të kohës shtesë, duke ia sjellë Dritës një...

Flet i pari i FFK-së: Asnjë lojtar nuk na ka refuzuar; Kosova i ka vetëm dy uniforma shpirtërore!

Muaji mars është muaji në të cilin Kombëtarja e Kosovës në futboll do t’i zhvillojë tri sfida shumë interesante. “Dardanët” do të ndeshen së...

Ponte Prizreni mposht Golden Yllin dhe bëhet lider

Ponte Prizreni e ka fituar kryendeshjen e javës së 22-të në Superligën e Kosovës në basketboll. Skuadra e drejtuar nga Arbnor Rifati ka fituar në...

Pasi solli në jetë binjaket, rikthehet në top formë prezantuesja e sportit Maki Bajrami

Ajo është një nga gazetaret dhe prezantueset më të njohura të sportit. Maki Bajrami mungoi për një kohë në...

Recent Comments