Federata e Futbollit e Kosovës gjatë ditës së djeshme kanë ndarë disa mjete vetanake si ndihmë për klubet, gjyqtarët dhe delegatët e futbollit kosovar.
Ndaj këtyre mjeteve financiare, kanë reaguar shumë klube të cilat kanë falënderuar FFK-në dhe kryetarin Ademi, shkruan Olle.
Klubi i radhës që ka falënderuar FFK-në dhe Agim Ademin është ajo e 2 Korrikut nga Prishtina.
“Klubi i futbollit “2 Korriku” falënderon FFK-në. Javë më parë Federata e Futbollit e Kosovës u zotua se do t’u gjendej pranë klubeve në këtë kohë pandemie dhe tashmë kur ndodhemi në karantinë tash e disa javë FFK ka vendosur të ndihmoj të gjitha klubet me anë të pakos së ndihmës emergjente nga mjetet vetanake.
Nga kjo pako do të ndihmohen të gjitha kampionatet në kategorinë e seniorëve. Klubet që garojnë në Ligën e Parë do të ndihmohen nga 30 persona me shumën prej 200 euro për person. Kjo ndihmë nga ana e FFK-së është e mirëseardhur për të gjithë”, thuhet në postimin e 2 Korrikut në Facebook.
