No menu items!
Ballina FUTBOLLI VENDOR Nga gara për titullin kampion, deri te ndeshjet e Kombëtares, flet Armend...

Nga gara për titullin kampion, deri te ndeshjet e Kombëtares, flet Armend Thaqi

Ballkani ka filluar të marrë frymë më lehtë pas fitores së fundit në vikend ndaj Drenicës në shtëpi. Skuadrën e Bledi Shkëmbit e pret një tjetër sfidë e vështirë në mesjavë, teksa përballet me Arbërinë në stadiumin “Zahir Pajaziti” të Podujevës

Në kampin suharekas janë të vendosur për të marrë maksimumin nga kjo ndeshje, pasi që vetëm fitorja i mbanë brenda objektivave të vendosura nga drejtuesit e klubit në fillimin e sezonit.

Armend Thaqi, futbollist i kësaj skuadre ka folur për Gazetën “Sheshi” duke treguar hapur objektivin që kanë për këtë ndeshje, teksa e ka vlerësuar ekipin e Arbërisë.

“Jemi përgatitur maksimalisht për ndeshjen e radhës. Fitorja ndaj Drenicës ka ka dhënë qetësi për ndeshjen e radhës”, deklaroi fillimisht Thaqi.

“Objektivi ynë normalisht që është fitorja, pasi që vetëm në këtë mënyrë do jemi në hap për të arritur cakun që kemi si klub. Ndeshja do të jetë e vështirë, pasi që edhe skuadrës së Arbërisë i duhen pikët, por ne nuk kemi rrugëdalje tjetër. Së bashku me angazhimin e bashkëlojtarëve shpresojmë ta arrijmë synimin që kemi para vetës”, shtoi anësori i suharekasve.

Thaqi beson se skuadra e Ballkanit ndodhet në rrugë të mirë për ta arritur objektivin e vendosur para fillimit të kampionatit, derisa ka theksuar se nuk kanë frikë të fshihen prapa saj.

“Jemi në rrugë për të arritur atë që e kemi patur synim në fillim të sezonit, mirëpo ka shumë ndeshje deri në fund dhe kampionati sa vjen dhe bëhet më i vështirë. E kemi për obligim të luftojmë deri në fund me të gjitha mundësitë tona dhe normalisht nuk fshihemi nga ajo që po kërkojmë”, deklaroi ai.

28 vjeçari debutoi me Përfaqësuesen e Kosovës vitin e shkuar në duel me Moldavinë, teksa mund të pret një sërish një ftesë duke parë lëndimet dhe formën e futbollistëve të krahut momentalisht. Megjithatë, ai thotë se kjo punë i takon selektorit, teksa ai është për të punuar.

“Përzgjedhësi është ai që vendos nëse do të jem i ftuar apo ajo. Unë së pari duhet të kap formën time më të mirë, ndërkohë selektori vendos për gjërat tjera”, ka përfunduar Thaqi.

Nga 20 paraqitjet e tij këtë edicion me Ballkanin, Thaqi ka realizuar tre gola dhe ka bërë po aq asistime.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Reagon Dajaku: Mos përhapni dezinformata, nuk e kam refuzuar Kosovën

Futbollisti shqiptar me pasaportë gjermane, Leon Dajaku ka reaguar përmes një postimi në Instagram duke deklaruar se ende nuk ka vendosur se...

Kombëtarja shqiptare, 3 milionë euro për Botërorin! Zbulohet premioja nga FSHF për kualifikimin historik

Shqipëria ka nisur edicionin kualifikues drejt Botërorit, “Katar 2022”. Në tri takimet e para, kuqezinjtë kanë bërë “detyrat e shtëpisë” sa u takon...

Mbyllet pa fitues ndeshja Everton – Tottenham

Me ndeshjen Everton – Tottenham që është zhvilluar sonte është hapur java e 32-të në Premierligën angleze. Sfida ashtu...

Kurti: Xhudistet janë bërë sinonim i fitoreve dhe gëzimeve tona

Kryeministri Albin Kurti ka përgëzuar xhudistet tona, Distria Krasniqin dhe Nora Gjakovën për suksesin e arritur në Kampionatin Evropian në Lisbonë. Distria fitoi medaljen...

Recent Comments