No menu items!
Ballina FUTBOLLI NDËRKOMBËTAR Pato: Ëndrra ime të kthehem te Milani

Pato: Ëndrra ime të kthehem te Milani

Kanë kaluar 13 vite nga debutimi i tij në Serie A dhe, megjithëse ka qenë larg për disa kohë, Italia është një vend që ka mbetur në zemrën e brazilianit. Alexandre Pato është tani një lojtar 31-vjeçar, i cili, pas përvojave të ndryshme në të gjithë botën, po kërkon një skuadër, nga e cila të fillojë përsëri dhe të provojë se është ende një sulmues i rangut të lavdërueshëm. Pato, i cili aktualisht është i lirë, pas eksperiencës së tij të fundit në San Paolo, dha një intervistë për “La Gazzetta dello Sport”, duke lënë hapur dyert për një kthim të mundshëm në Serie A:

“Dëgjoj se në Itali mund të ketë klube të interesuara për mua. Do të doja ta bëja shumë të qartë se në moshën 31 vjeç nuk po kërkoj një kontratë llogarie bankare, por për një projekt që më pëlqen. Po të kishte qenë për paratë, unë do të kisha qëndruar në Kinë”.

Pato ndjen se mund të japë ende kontributin e tij në një kampionat të rëndësishëm: “Trupi im është mirë, koka ime është ndryshe nga sa isha më parë në Itali. E di se çfarë mund të jap dhe çfarë duhet të bëj. Vullneti është gjithçka dhe e kam atë. Unë e shoh Europën në të ardhmen time, në veçanti Italinë. Në Serie A mendoj se mund të luaj akoma dhe të bëj shumë mirë, në përputhje me faktin se kam një pasaportë jo të BE”.

Mes klubeve që kërkojnë një sulmues është edhe Milani. Pato te kuqezinjtë jetoi vitet më të mira të karrierës së tij dhe nuk e fsheh nostalgjinë për atë klub: “Sigurisht, si nuk mund te kem nostalgji. Po flasim për 150 ndeshje, 63 gola, një titull kampion dhe një Superkupë. Do të ishte një ëndërr të kthehesha te Milani, i cili është në zemrën time”.

E kuqezinjtë, Pato do të takonte një ish-shok ekipi, përkatësisht Zlatan Ibrahimovic. Gjithashtu do të ishte i gatshëm të merrte rolin e “Vice-Ibra”: “Unë do të thoja po, do të luaja disa lojëra, të mjaftueshme për të bindur trajnerin (qesh). Nuk pres ftesë të llojit “hajde, se ndoshta me Ibrën mund të luani së bashku… Jam i bindur se do të ishim një çift i shkëlqyeshëm”.

Mes klubeve që kërkojnë një sulmues është edhe Fiorentina: “Unë do ta vlerësoja atë si mundësi, që do të ishte realisht e realizueshme. Fiorentina është një klub i shkëlqyeshëm, me shumë kampionë dhe një ekip të mirë. Përveç kësaj, është një qytet i bukur”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Tovërlani: Dikujt matematikat në fund të sezonit nuk kanë me i dalë

Trajneri i mirënjohur, Afrim Tovërlani, ka komentuar ndeshjet mes Llapit dhe Dritës si dhe Drenicës ndaj Prishtinës. Tovërlani tha...

Batatina: Kastriot Rexha e bëri diferencën

Trajneri i Llapit, Tahir Batatina, ka vlerësuar paraqitjen e skuadrës në pjesën e parë të ndeshjes ndaj Dritës. Llapi...

Nuhiu: Në pjesën e dytë shfrytëzuam lodhjen e Llapit

Trajneri i Dritës, Ardian Nuihu është shprehur i kënaqur me fitoren e skuadrës së tij ndaj Llapit. Trajneri nga...

Kosova fiton edhe miqësoren e dytë ndaj Maqedonisë së Veriut

Edhe në ndeshjen e dytë miqësore vashat e Kombëtares së Kosovës kanë arritur fitore në duel me Kombëtaren e Maqedonisë së Veriut,...

Recent Comments