No menu items!
Ballina SPORTE TJERA Vëllaznimi befason Prishtinën, Ponte Prizreni fiton derbin lokal ndaj Bashkimit

Vëllaznimi befason Prishtinën, Ponte Prizreni fiton derbin lokal ndaj Bashkimit

Në Superligën e Kosovës në basketboll sot janë zhvilluar dy ndeshjet tejet interesante.

Vëllaznimi ka shënuar fitore ndaj Sigal Prishtinës me rezultat 61:73 (18:17, 20:20, 11:16, 12:20), në kuadër të javës së gjashtë të Prince Caffe Superligës.

Çereku i parë ishte i baraspeshuar dhe këtë e dëshmon edhe rezultati i kësaj pjesë 18:17. Edhe perioda e dytë ishte tërësisht e barabartë me të dy skuadrat që nuk arrinin të shkëputeshin në rezultat. Kjo pjesë përfundon 20:20, derisa skuadrat shkuan në pushim me shifrat 38:37.

Por, në periodën e tretë, skuadra mysafire ishte më e mirë, duke e fituar këtë pjesë 11:16, madje, edhe më bindëse ishin në 10 minutat e fundit, ku fitoi 12:20, për të triumfuar në fund 61:73.

Te Sigal Prishtina u dalluan Fisnik Rugova me 16 pikë, pesë kërcime dhe pesë asistime, Daniel Lerndreaj me 11 pikë e 11 kërcime dhe Arian Qallaku me 13 pikë, kurse te Vëllaznimi më të mirët ishin Devante Jackson me 18 pikë e tetë kërcime, Cedric Council me 14 pikë e 11 kërcime, Christopher Hortman me 10 pikë, 10 kërcime e 10 asistime dhe Robert Shestani me 11 pikë, pesë kërcime e tetë asistime.

Të dy skuadrat kanë nga dy fitore dhe katër humbje, teksa në ndeshjen tjetër Ponte Prizreni e ka mundur Bashkimin në derbin e qytetit me rezultat 81:77 (19:28, 19:15, 23:17, 20:17), në kuadër të javës së gjashtë të Prince Caffe Superligës.

Ndeshjen më mirë e nisi Bashkimi, duke fituar çerekun e parë 19:28. Por, perioda e dytë ishte më e barabartë, madje, Ponte u rikthye në lojë, duke qenë më e mirë dhe fitoi këtë pjesë 19:15, derisa skuadrat shkuan në pushim me rezultat 38:43.

Ponte vazhdoi të mirë edhe në periudhën e tretë duke e fituar 23:17, kurse rezultati në semafor pas 30 minutash ishte 61:60. Drama vazhdoi edhe në 10 minutat e fundit. Ponte Prizreni kishte epërsi deri në 11 pikë, por në fund Musab Mala me dy trepikësha ngushton shifrat në 79:77. Më pas Urim Zenelaj realizon një nga dy gjuajtjet e lira, kurse Nikola Vukçeviq i Bashkimit nuk shënoi për tri pikë dhe në fund Ponte Prizreni fitoi 81:77.

Te Ponte Prizreni u dalluan Arti Hajdari me 28 pikë e gjashtë kërcime, Joshua Martin me 13 pikë e 17 kërcime, kurse te Bashkimi më të dalluarit ishin Shazville Carter me 16 pikë e nëntë kërcime, Nikola Vukçeviq me 24 pikë dhe Musab Mala me 18.

Ponte Prizreni ka tri fitore dhe tri humbje, kurse Bashkimi një fitore dhe pesë humbje.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Penza fiton ndaj Prishtinës dhe kalon në finale

Pikët e amerikanës Gabrielle Cooper, me sirenë ia siguroi finalen Penzës në “play-offin” e Superligës për femra. Penza ka...

Dortmundi skuadra e parë në Europë që u jep hapësirë më së shumti të rinjve

Observatori i Futbollit, CIES, ka publikuar ditën e sotme një tjetër studim të kryer prej tyre, ku listojnë klubet më të mira...

Gafa e portierit të Fenerbahçes bëhet “hit” në internet

Gafa e portierit të Fenerbahçes, Atlai Bajindir është duke bërë xhiron e internetit. Gardiani 22-vjeçar, pësoi një gol të çuditshëm në sfidën...

Dardanët e rinj arrijnë në Sofje

Kombëtarja e Kosovës U17 ka arritur në Sofje, ku më 14 dhe 16 prill do t’i luajë dy ndeshje miqësore me Kombëtaren...

Recent Comments