No menu items!
Ballina FUTBOLLI VENDOR Besa trondit Llapin, Arbëria merr pikë të plota në Skenderaj

Besa trondit Llapin, Arbëria merr pikë të plota në Skenderaj

Besa e ka siguruar një barazim tronditës 2:2 kundër Llapit me një gol në çastet e fundit të kohës shtesë, ndërkohë që Arbëria e rigjeti rrugën e fitores duke e mundur 1:0 Drenicën, në dy takimet e para të javës së shtatë të zhvilluara sot.

Pas pesë humbjeve dhe një barazimi, u duk sikur Llapi më në fund do ta shijonte fitoren e parë në sezonin e ri në Superligë, por nuk e kishte të shkruar.

Megjithëse kishte një epërsi prej dy golave falë Arbnor Ramadanit dhe Engjëll Hoti, Llapi u trondit nga Besa, e cila e barazoi rezultatin në minutën e 97-të të ndeshjes të mërkurën në Pejë.

Haxhijaj e kishte kthyer në lojë Besën një çerek lojë para fundit, para se pejanët ta barazonin rezultatin në 2:2 në minutën e shtatë të kohës shtesë.

Për Besën, e cila u rikthye në Superligë këtë vit, ky ishte barazimi i parë në shtatë ndeshje.

Skuadra e Tahir Batatinës ngel pa fitore këtë sezon edhe pas javës së shtatë.

Ndërkohë, Arbëria – po ashtu e sapo promovuar në Superligë – e arriti fitoren e parë pas një barazimi dhe dy humbjeve në tri ndeshjet e fundit.

Ekipi i Arbnor Morinës fitoi ndaj Drenicës falë një autogoli nga Genc Hamiti në fillim të takimit.

Këto tri pikë e rikthejnë Arbërinë në pozitën e dytë në renditje, me 11 pikë, pesë më pak se lideri Ballkani dhe një më shumë se Drita, por kjo e fundit i ka tri ndeshje më pak të zhvilluara.

Drenica, në anën tjetër, ngel në pozitën e gjashtë me tetë pikë.

Ndërsa Llapi ngel në pozitën e fundit në tabelë me vetëm dy pikë dhe Besa mbetet e parafundit me vetëm katër pikë, dy më pak se vendi i tetë, Feronikeli, i fundit që e siguron qëndrimin në elitë.

Në xhiron e ardhshme, Llapi e pret Arbërinë, Besa Feronikelin, ndërsa Drenica përballet me Dritën.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Penza fiton ndaj Prishtinës dhe kalon në finale

Pikët e amerikanës Gabrielle Cooper, me sirenë ia siguroi finalen Penzës në “play-offin” e Superligës për femra. Penza ka...

Dortmundi skuadra e parë në Europë që u jep hapësirë më së shumti të rinjve

Observatori i Futbollit, CIES, ka publikuar ditën e sotme një tjetër studim të kryer prej tyre, ku listojnë klubet më të mira...

Gafa e portierit të Fenerbahçes bëhet “hit” në internet

Gafa e portierit të Fenerbahçes, Atlai Bajindir është duke bërë xhiron e internetit. Gardiani 22-vjeçar, pësoi një gol të çuditshëm në sfidën...

Dardanët e rinj arrijnë në Sofje

Kombëtarja e Kosovës U17 ka arritur në Sofje, ku më 14 dhe 16 prill do t’i luajë dy ndeshje miqësore me Kombëtaren...

Recent Comments