No menu items!
Ballina FUTBOLLI NDËRKOMBËTAR Pioli jep kushtrimin te kuqezinjtë: Duhet të rivalizojmë Interin dhe Juventusin

Pioli jep kushtrimin te kuqezinjtë: Duhet të rivalizojmë Interin dhe Juventusin

I freskët nga fitorja në raundin e tretë kualifikues të “Europa League”, kundër norvegjezëve të Bodo / Glimt, Milani kthehet të përqendrohet në kampionat. Në radhë është transferta me Crotone. Kuqezinjtë, pasi janë imponuar në ndeshjen inauguruese të kampionatit të ri, kundër Bologna, do të përballen me një kundërshtar që, pas disfatës 4-1 ndaj Genoa, ende po kërkon pikët e para të Serie A.

Stefano Pioli, në konferencën për shtyp para ndeshjes, foli për mungesën e Ibrahimovic: “A do të luajë Colombo në vend të Ibrahimovic? Ai është një djalë shumë i pjekur, po punon mjaft mirë dhe është adaptuar në grupin tonë. Unë përpiqem të hedh në fushë skuadrën më të mirë. Në “Europa League”, ai kishte qasjen e duhur në fushë. Nëse Rebic mund të luajë më parë? Për ekuilibrin që kemi gjetur, ai po bën më shumë sulmuesin e majtë, duke shtrënguar dhëmbët. Mendoj se mund të bëjë shumë mirë edhe sulmuesin e parë. Ai është një lojtar i fortë, që na jep fizik dhe sasi në lojë. Kroati mund t’i luajë të dyja rolet. Leao mund të thirret, duhet të jetë me ne”.

Duke kaluar në mesfushë, Pioli flet për momentin e Calhanoglu, të formës së tij të mahnitshme dhe situatën e Tonali: “Hakan bëri disa gjeste të nivelit shumë të lartë në ndeshjen e fundit, veçanërisht asistin. Po ashtu, është një goditës shumë i fortë. Tonali ka ardhur së fundi, mekanizmat tanë nuk janë të njëjtë me ata të Brescia. Unë mendoj se katër mesfushorët tanë qendrorë mund të përshtaten mirë me njëri-tjetrin. Pastaj kemi Kessie, i cili në rast urgjence mund të luajë edhe në mbrojtje. Ai është i vetmi që mund ta bëjë mbrojtësin, por shpresoj të mos kemi nevojë”.

Mbi momentin e përgjithshëm të rritjes së Milanit të tij, Pioli analizon: “Ne duhet të vazhdojmë të përmirësohemi për të arritur Juventusin dhe Interin. Duhet të jemi edhe më kompaktë dhe më të kthjellët. Unë jam i kënaqur me atë që po bëjmë, por ndeshje të vështira na presin. Ne duhet të luajmë për Milanin dhe të marrim pikë. Ta kapërcejmë mungesën e Ibrahimovic, nuk duhet të kemi frikë nga vështirësitë tona. Duhet të tregojmë se jemi të bashkuar, të luajmë futbollin tonë”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

FFK me projekt të ri për futbollin e femrave, subvencionohen lojtaret dhe trajnerët

Sot në ambientet e FFK-së është mbajtur një takim me përfaqësuesit e klubeve të femrave të Ligës së Parë dhe Ligës U16....

7 vjet nga miqësorja që theu barrierat – Ademi: Datat si kjo na motivojnë për suksese

Presidenti i FFK-së, Agim Ademi ka rikujtuar nëpërmjet një shkrimi ditën e miqësores së parë zyrtare kundër Haitit, e cila ishte zhvilluar më 5...

Fitojnë Ballkani e Trepça ‘89

Ballkani dhe Trepça ’89, kanë shënuar fitore identike në ndeshjet e xhiros së 23 të Superligës së Kosovës në futboll. Skuadra e Ballkanit e...

Ish-futbollisti i Kosovës parashikon: Bledi Shkëmbi apo Bledar Devolli, humbja njërin mund ta lë pa punë

Elita e futbollit kosovar sot sjell një ndeshje jashtëzakonisht interesante dhe të fortë. Fjala është për përballjen Ballkani – Drenica e cila luhet në Suharekë...

Recent Comments