No menu items!
Ballina FUTBOLLI NDËRKOMBËTAR Gravina imiton Champions-in: Ndryshime në Serie A, “Final Eight” për titullin

Gravina imiton Champions-in: Ndryshime në Serie A, “Final Eight” për titullin

Futbolli italian vazhdon të jetojë në pasiguri, klubet nuk mund t’i llogarisin ende të ardhurat nga biletat sepse stadiumet vijojnë të mbyllura prej Covid-19. Rihapja e mjediseve sportive për publikun mbetet në diskutim, duhet të vendosin ata që kanë për detyrë të marrin vendime. Gjithçka do të sqarohet brenda dy javësh, pas të dhënave të reja në lidhje me infeksionet shkollore, pas hapjes së këtyre të fundit.

Kjo është një temë shumë e dashur për Gabriele Gravina. Presidenti foli për këtë në “Corriere dello Sport”. E nis me besimin e përtërirë te Roberto Mancini, puna e shkëlqyeshme e të cilit në krye të ekipit kombëtar është atje për t’u parë nga të gjithë: “Cikli që është hapur shkon përtej kufirit kontraktual të dhjetorit 2022. Mancini ka të gjitha arsyet për të vijuar me një projekt më të gjatë. Rinovimi përpara Kampionatit Europian? Sigurisht, nuk është e nevojshme të presim. Mancini tashmë e ka fituar këtë të drejtë”.

Afrimi i mundshëm i Marcello Lippi në federatë nuk është një temë parësore për momentin: “Le ta themi në këtë mënyrë. Futbolli italian ka respekt dhe mirënjohje për të gjithë ata që e kanë bërë të shkëlqyeshëm. A mund ta harrojmë Marcello Lippi? Unë mendoj se jo. Me këtë frymë, federata tashmë i ka përfshirë ish-kampionët në radhët e veta. Në një periudhë afatmesme do të ketë hapësirë ​edhe ​për një trajner, i cili ka fituar Kampionatin Botëror dhe që mund të japë kontributin e tij. Por, për momentin kjo nuk është në rendin e ditës. Kemi përparësi të tjera”.

Dhe le të kthehemi te tema e hapjes së stadiumeve. Megjithëse jashtë vendit po ndodh kjo, megjithëse në mënyrë të kufizuar, në Itali mbizotëron kujdesi i përzier me optimizëm për të ardhmen e afërt: “Unë kam shumë besim te kryeministri, të cilin e takova me shumë kënaqësi. Kam besim edhe te ministrat e Shëndetësisë dhe Sportit. Por, besimi kërkon përgjigje brenda një kohe të shkurtër. Ekziston një protokoll i një cilësie të shkëlqyeshme dhe të gjitha kushtet plotësohen. Ne jemi për rihapje të pjesshme”.

Në fund, presidenti la të hapur mundësinë e ndryshimit të formatit të Serie A, për ta bërë atë më spektakolar: “Kampionati rrezikon të humbasë publikun, nëse në disa faza nuk është më vendimtar për skuadrat që kanë fituar tashmë rënien nga kategoria, ose shpëtimin. Në atë pikë, intriga se kush fiton ose humbet nuk është më e vlefshme. Por, një sport ku nuk fiton dhe nuk humbet, nuk ka kuptim. Unë jam duke punuar për një kampionat të ndarë në tri faza, me një “final eight” të fundit për të dhënë titullin”.

Në fakt, është e njëjta gjë që ndodhi sezonin e kaluar me Ligën e Kampionëve, ku tetë skuadrat çerekfinaliste u zhvendosën në Lisbonë dhe zhvilluan fazën finale të garës, që nxori fitues Bayern Munich. Ky ndryshim ishte i diktuar nga pandemia, ndërsa Serie A do të aplikojë për të rritur më shumë rivalitetin dhe konkurueshmërinë.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Pioli: Na mungoi ritmi dhe cilësia, por edhe mungesat e bën të vetën

Trajneri Stefano Pioli u intervistua nga DAZN në fund të Milan-Udinese 1-1. i zhgënjyer normalisht nga barazimi. “Donim të fitonim. Mëkat! E dinim që do...

Philadelphia fiton në shtesë duelin e kryesuesve

Philadelphia fitoi 131-123 ndaj Utah jazz, në përballjen mes dy ekipeve kryesuese mes dy Konferencave. Në fund triumfoi Phila, ku u dallua Joel Embiid,...

Barcelona bën mrekullinë ndaj Sevillas, feston edhe Leipzig në Gjermani

Barcelona ka bërë përmbysjen e madhe kundër Sevilla dhe është kualifikuar në finalen e Kupës së Spanjës. Katalanasit triumfuan me rezultatin 3-0 në ndeshjen...

Milani i shpëton humbjes në minutën e fundit të ndeshjes

Milani e ka bërë një hap mbrapa në luftën për titullin e Serie A-së. “Rossonerët” kanë qenë sonte nikoqirë...

Recent Comments