No menu items!
Ballina FUTBOLLI VENDOR Ademi: Në tetor do të kemi emra të rinj në Kombëtare

Ademi: Në tetor do të kemi emra të rinj në Kombëtare

Presidenti i Federatës së Futbollit të Kosovës, Agim Ademi, në një intervistë për Klan Kosova ka zbuluar të rejat e fundit te “Dardanët” në prag të ndeshjeve të shtatorit kundër Moldavisë dhe Greqisë, derisa ka zbuluar emrat e tre futbollistëve që do t’i bashkohen Kosovës në ndeshjet e tetorit. “Andi Zeqiri, Bastien Toma dhe Edi Sylisufaj mund të vijnë në tetor te Kosova. Zeqiri është diçka e përfunduar, ai e ka zgjedhur Kosovën”, deklaroi Ademi. “Por, ai e ka mundësinë të luajë për Zvicrën U21, kjo nuk prishë punë, le ta ndihmojë Zvicrën, për shkak të dokumentacionit. Në tetor do ta shihni Zeqirin me fanellën e Kosovën”, tregoi ai.

Tutje numri një i FFK-së është shprehur optimist për dy ndeshjet e radhës dhe atë kryesoren të muajit tetor, përkundër situatës së vështirë. “Duke pasur parasysh atmosferën dhe dëshirën e lojtarëve unë pres rezultate të mira. Ata që do të jenë në formacion do ta japin maksimumin. Secili prej lojtarëve e ndjen jashtëzakonisht shumë fanellën e Kombëtares. Dhashtë Zoti që të mos lëndohet asnjëri prej tyre. Natyrisht ndeshjen kundër Maqedonisë së Veriut e kemi pjesën kryesore për çka besoj e shpresoj se do t’ia dalim të kualifikohemi”, ka thënë Ademi, transmeton Futbolli.info.

Ai ka paralajmëruar reforma në FFK, me prurje të njerëzve që i kërkon koha dhe që kanë kreativitet. “Aty ku shohim se ka çaluar puna do të ketë ndryshime. Është dëshira imja dhe e Komitetit Ekzekutiv që ta Federata të jetë brendi kryesor në Kosovë. Nuk ka vend për t’u ndalur por sigurisht do të kemi edhe kuadro të reja që janë të formuar. Pra, FFK do të bëhet jo vetëm atraktive për njerëzit që punojnë aty por edhe për njerëzit që do të vijnë aty së paku të pinë qoftë edhe një kafe. Pra, kemi projekte të shumta përpara vetes. Kemi filluar edhe punë edhe në rinovimin e objektit të FFK-së, derisa në bashkëpunim me ministrinë do të bëjmë përmirësimin e stadiumeve në secilin qytet”, është shprehur numri një i FFK-së.

Sa i përket Superligës me 10 ekipe Ademi pret që ajo të jetë shumë më atraktive, por edhe kualiteti të rritet, derisa shpreson që kampionati të nisë më 12 shtator, ngase për shkak të Kampionatit Evropian në verën e ardhshme dhe duhet ta përfundojnë atë në kohën e kërkuar nga UEFA. Ademi ka shprehur keqardhje për eliminimin e klubeve tona në garat evropiane për shkak të pandemisë. “Edhe klubet edhe federata jemi të hendikepura për shkak të Covid-19. Kemi pritur se do të bëjmë rezultate shumë të mira sivjet në Evropë dhe të shtojmë edhe një ekip në Konferencë Ligë për edicionin e ardhshëm, por ja që situata me Covid-19 ndryshoi gjithçka.  Gjithsesi, ne si federatë jemi kujdes që të paktën klubet tona të mos jenë të dëmtuara në aspektin financiar dhe kemi kërkuar mirëkuptimin e UEFA-s në këtë drejtim. Pra, ne do t’i përkrahim deri në fund klubet tona, siç i kemi ndihmuar deri tash”, ka përfunduar Ademi.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

A i paska FFK-ja dy Agim Adema? Derisa presidenti po zhvillon takime në Gjermani, kush është Agimi tjetër që po “rrahet” korridoreve të FFK-së?

Dikush po rrenë, po rrenë aq dobët e aq paskrupullt, saqë demantohet tepër lehtë, tepër thjeshtë, por, cila është arsyeja?Gjatë ditë së sotme, në...

Dramë në ‘Minatori’, Trepça fiton pas dy vazhdimeve ndaj Ponte Prizrenit

Trepça ka shënuar fitore ndaj Ponte Prizrenit me shifrat 116:114 (23:31, 28:22, 24:17, 14:19, 9:9, 18:16), në kuadër të javës së 21-të të FIVE...

Prishtina triumfon në Prizren

Sigal Prishtina ka shënuar fitore ndaj Bashkimit në Prizren me rezultat 88:99 (19:24, 21:25,  21:16, 28:34), në kuadër të javës së 21-të në FIVE...

Prishtina fiton në frymën e fundit ndaj Trepçës’89

Leonit Abazi ka shënuar golin e fitores për Prishtinën kundër Trepçës ’89 në stadiumin “Riza Lushta” në Mitrovicë. Mbrojtësi Abazi shënoi për rezultatin final 2:1...

Recent Comments