No menu items!
Ballina FUTBOLLI NDËRKOMBËTAR Tifozët e Manchester UTD tallen me zikaltrit: Ky është Lukaku që njohim…

Tifozët e Manchester UTD tallen me zikaltrit: Ky është Lukaku që njohim…

Në finalen e mbrëmshme, Lukaku e la shenjën e tij, edhe nëse jo siç pritej. Sulmuesi i Interit e shkruajti emrin e tij në dy gola, gjatë finales së “Europa League”, por në njërin nga rastet shënoi në portën e gabuar. Devijimi i topit prej tij, në rastin e roveshiatës së bukur të Diego Carlos, përfundoi në rrjetën e Interit, duke i hapur rrugën triumfit të andaluzianëve. Një “shaka e egër” për belgun, që i kishte bërë të ëndërronin tifozët zikaltër. Këta të fundit, teksa “hanë thonjtë” e tyre, janë të detyruar të durojnë edhe ngacmimet e homologëve të… Manchester United.

Frika se ish-qendërsulmuesi i tyre do ta fitonte trofeun si yll, ndër të tjera duke mposhtur ekipin, që eliminoi “Djajtë e Kuq” në gjysmëfinale, ishte e dukshme te tifozët e skuadrës nga “Old Trafford”. Dhe, pas avantazhit momental të Interit, shumë prej tyre kishin filluar me mesazhet: “Prisni se ka ende lojë…” Në fund të fundit, tifozët e Manchester United kurrë nuk kanë pasur një pozicion të paqartë në lidhje me lamtumirën e belgut. Disa e morën atë si një çlirim, të tjerët si demonstrim tjetër se në “Old Trafford”, as lojtarë të klasit botëror nuk mund të performojnë në maksimum. Një përshtypje që sezoni i parë zikaltër i Lukakut, me 34 gola në llogarinë personale, duket se konfirmon plotësisht.

Por, më pas erdhi fatkeqësia…, goli numër 35, i vetmi në portën e gabuar. Dhe rrjetet sociale shpërthyen. “Lukaku shënon si Ole në finale, është për të ardhur keq që e bën këtë në portën e gabuar”, – komentoi dikush, duke bërë lidhjen mes autogolit fatal të belgut me golin e Solskjaer, i cili në vitin 1999 i dha trofeun Manchester United në finalen e Champions-it, kundër Bayern Munich. Dikush tjetër shkroi edhe më keq: “Më në fund, kontrolli i parë i topit nga Lukaku dhe gol…”. Referenca është e qartë për teknikën themelore të sulmuesit, një nga arsyet pse shumë e kritikuan atë në Manchester. Fraza më e njohur? “Ky është Lukaku që njohim”, i përsëritur në disa “tweet”, pas autogolit të belgut. Megjithatë, këto shaka nuk e eklipsojnë aspak kontributin personal të sulmuesit, i cili zhvilloi një sezoni mbresëlënës, pavarësisht se në fund mbeti duarbosh, pa trofe.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Pioli: Na mungoi ritmi dhe cilësia, por edhe mungesat e bën të vetën

Trajneri Stefano Pioli u intervistua nga DAZN në fund të Milan-Udinese 1-1. i zhgënjyer normalisht nga barazimi. “Donim të fitonim. Mëkat! E dinim që do...

Philadelphia fiton në shtesë duelin e kryesuesve

Philadelphia fitoi 131-123 ndaj Utah jazz, në përballjen mes dy ekipeve kryesuese mes dy Konferencave. Në fund triumfoi Phila, ku u dallua Joel Embiid,...

Barcelona bën mrekullinë ndaj Sevillas, feston edhe Leipzig në Gjermani

Barcelona ka bërë përmbysjen e madhe kundër Sevilla dhe është kualifikuar në finalen e Kupës së Spanjës. Katalanasit triumfuan me rezultatin 3-0 në ndeshjen...

Milani i shpëton humbjes në minutën e fundit të ndeshjes

Milani e ka bërë një hap mbrapa në luftën për titullin e Serie A-së. “Rossonerët” kanë qenë sonte nikoqirë...

Recent Comments