No menu items!
Ballina FUTBOLLI VENDOR Kjo është ndihma e madhe që FFK i dha sot Prishtinës

Kjo është ndihma e madhe që FFK i dha sot Prishtinës

Prishtina krijoi një ekip të tërë nga zeroja sot!

Me kërkesë të UEFA’s nën kushtin e zhvillimit të ndeshjes parakualifikuese kundër skuadrës Lincoln nga Gjibraltari, klubi bardhekaltër u deshtë të krijonte një ekip të ri për të udhëtuar sërish në Gjibraltar, shkruan Gazeta Olle.

Në ndihmë prishtinasve iu dolën shumë klube të Superligës, duke i ofruar lojtarë. E, suport të madh dhe të menjëhershëm për kryeqytetasit dha edhe Federata e Futbollit të Kosovës.

FFK’ja ia dha menjëherë trajnerin e grupmoshave të reja të Kosovës, Ramiz Krasniqin, menaxherin e skuadrës, Bajram Shala dhe mjekun e kombëtares, Dr. Murat Berisha.

I kontaktuar nga Olle, kreu i FFK-së, Agim Ademi, ka konfirmuar që e gjithë federata sot u vu në shërbim të Prishtinës në mënyrë që ndeshja në Gjibraltar të zhvillohet.

Agim Ademi dhe Vlora Dumoshi duke dorëzuar trofeun e kupës te Prishtina
“Unë si kryetar i federatës i kam dhënë leje trajnerit, edhe menaxherit e mjekut të kombëtares që të bashkohen me Prishtinën. E gjithë FFK ka qenë në dispozicion, me të gjithë punëtorët që kanë punuar maksimalisht dhe jashtë orarit në mënyrë që regjistrimi i lojtarëve të bëhet në kohë dhe Prishtina të jetë e gatshme”, u shpreh Ademi.

“Prishtina atje na përfaqëson të gjithëve, andaj i përgëzojë edhe klubet për mbështetjen e dhënë. Unë vetëm uroj që të gjithë lojtarët dhe stafi të dalin negativ në testin atje dhe ndeshja të zhvillohet”, shtoi tutje numri një i futbollit kosovar.

I pyetur nëse Lincoln mund t’i bëjë ballë ‘Dream Team’it të Superligës, Ademi u përgjigjë: “Unë vetëm uroj që ndeshja të zhvillohet. Fituesi besoj që dihet…”.

Sa i përket vizave për futbollistë e staf, Ademi ka sqaruar se kjo nuk është problem, pasi vizat hyrëse të gjithë do t’i marrin në aeroport.

Ndryshe, ndeshja Lincoln-Prishtina e paraparë për t’u luajtur të martën, u anulua shkaku që tetë lojtarë prishtinas rezultuan pozitiv me COVID-19.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Nga gara për titullin kampion, deri te ndeshjet e Kombëtares, flet Armend Thaqi

Ballkani ka filluar të marrë frymë më lehtë pas fitores së fundit në vikend ndaj Drenicës në shtëpi. Skuadrën e Bledi Shkëmbit e pret...

Sa më shumë që forcohet gara, aq më shumë rriten akuzat ndaj arbitrave

Arbitrat e futbollit në Kosovë janë në qendër të vëmendjes në fillim të stinorit pranveror, por jo për të mirë. Pas çdo xhiroje akuzat...

FFK mbajti trajnimin e parë online për sistemin VAR

Ekipi i projektit VAR në FFK është duke punuar me intensitet në procesin e implementimit të tij. Puna në këtë projekt ka...

Avni Nuha rizgjidhet kryetar i Federatës së Çiklizmit të Kosovës

Në Kuvendin e Punës dhe Zgjedhor të mbajtur nga Federata e Çiklizmit e Kosovës, delegatët ia kanë besuar edhe një mandat tjetër...

Recent Comments