No menu items!
Ballina KRYESORE FFK dhe klubet krijuan një Prishtinë të re brenda pak orëve!

FFK dhe klubet krijuan një Prishtinë të re brenda pak orëve!

Shënim i redaksisë:

Ajo që ndodhi sot është diçka e paparë në futbollin evropian. Në fakt, skuadra fituese e Kupës së Kosovës, Prishtina, arriti që brenda pak orëve të krijojë një ekip krejtësisht tjetër nga ai që kishte deri dje për t’u përfaqësuar në Europa League. Gjatë ditës së sotme, UEFA mori vendim që t’ia mundësojë Prishtinës zhvillimin e ndeshjes kundër Lincoln Red Imps, por me kusht që të paraqitet me futbollistë krejtësisht tjerë nga ata që udhëtuan në Gjibraltar dy ditë më parë. Ky vendim i UEFA-s bëri që Prishtina të fillojë të huazojë futbollistë nga skuadrat e tjera të Superligës, të cilat u treguan solidare në këtë drejtim, me qëllimin që futbolli kosovar të prezantohet sa më mirë në garat evropiane. Në anën tjetër, Federata e Futbollit e Kosovës ishte në nivel të detyrës profesional dhe brenda pak orëve i regjistroi futbollistët e “përkohshëm” të Prishtinës dhe i futi ata në sistemin e FIFA-s TMS si dhe ofrojë për Prishtinën dhe klubet që na përfaqësojnë në Evropë avance financiare. Përveç kësaj, FFK i ofroi klubit bardhekaltër edhe shtabin teknik të Kombëtares U-19, ekipin mjekësor të kombëtares, si dhe ‘team menaxherin’ dhe ekonominë e Kombëtares, duke e kompletuar kësisoj Prishtinën e re dhe profesionale. Tashmë po dihet kush e zëvendësojë stafin e futbollistëve dhe stafin profesional të ekipit, por ende nuk dihet se kush do të jetë udhëheqja e re e Prishtinës për këtë ndeshje, ngase asnjë prej personave zyrtarë që kanë shkelur para dy ditësh në Gjibraltar nuk u lejohet të udhëtojnë me ekipin. Gjithsesi, FFK e meriton një 10-she për punën e bërë gjatë ditës së sotme për t’i dalë në ndihmë të jashtëzakonshme FC Prishtinës, sikurse edhe klubet tjera që i vendosën lojtarët e tyre në shërbim të klubit bardhekaltër në mënyrë që të mos i dështojë paraqitja në garat evropiane. Tani, na mbetet të shpresojmë që e gjithë ekspedita që do të udhëtojë në ngjyrat e Prishtinës të dalë negative në testin për COVID-19 dhe ndeshja të zhvillohet. E sigurisht se paraqitja e kësaj Prishtine (lexo: Përfaqësuese e Superligës) do të jetë në nivel, edhe pse me pak ditë në dispozicion për t’u përgatitur!

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Ademi e Salihu takojnë trajnerin gjerman

Presidenti Agim Ademi dhe sekretari i përgjithshëm Eroll Salihu kanë zhvilluar sot takim me përzgjedhësin e Kombëtares U21, Michael Nees. Gjatë këtij takimi u...

Ndërron jetë legjenda e futbollit kroat

Ka ndërruar jetë në moshën 65-vjeçare legjenda e futbollit kroat, Zlatko Kranjçar- “Cico” Kranjëar ka ndërruar jetë në mëngjesin e sotëm në spitalin e Merkurit,...

E thotë agjenti i lojtarit; Mendy është Mbappe i mbrojtjes

Mbrojtësi i Real Madrid, Ferland Mendy, ishte heroi i madrilenëve në duelin kundër Atalantës në Champions League. Francezi shënoi golin e fitores në Bergamo...

Pioli: Milani nuk hidhet poshtë për dy ndeshje

Milani fitoi kundër Romës dhe tani numëron 8 pikë më shumë se verdhekuqtë. Synimi është që në fund të sezonit kuqezinjtë të jenë në...

Recent Comments