No menu items!
Ballina FUTBOLLI VENDOR Munishi: Presioni është te Prishtina, Baftiu e Berisha shpresojnë në fitore

Munishi: Presioni është te Prishtina, Baftiu e Berisha shpresojnë në fitore

Ballkani sot ka zhvilluar stërvitjen e radhës para ndeshjes vendimtare me Prishtinën, që do të përcaktojë fatin e tyre. Ballkani të mërkurën (nesër) do të përballet me Prishtinën në finale të Kupës së Kosovës, shkruan Insporti.com.

Atmosfera në kampin e “portokallinjve” para finales është e qetë dhe janë të fokusuar për ndeshjen e sezonit, pasi nuk arritën objektivin e titullit, përmes Digitalb Kupës synojnë daljen në Ligën e Evropës, që do të ishte një arritje e jashtëzakonshme.

Trajneri Ismet Munishi ka bërë një punë të madhe me futbollistët e tij gjatë gjithë sezonit, pasi skuadra e tij është cilësuar që ka futbollin më të mirë në vendin tonë.

Munishi para përballjes me Prishtinën, ka deklaruar se presioni është në kampin tjetër dhe jo te skuadra e tij. Sipas tij, kjo është një përparësi e madhe por nuk do të thotë që janë të relaksuar. “Normalisht që presioni është më i madh te Prishtina, kjo është një përparësi për neve. Do të jemi shumë më të qetë, jo më të relaksuar, por në këtë aspekt do të jemi të qetë. Normalisht, tash na nuk mundemi t’i zgjedhim problemet e Prishtinës, ajo duhet t’i zgjedh problemet në gjirin e vet, na sigurisht që do të synojmë të arrijmë objektivat tona”.

I fokusuar për këtë finale, është edhe kapiteni Visar Berisha, që ndeshjen me Prishtinën e ka cilësuar si një sfidë tejet të vështirë.

Berisha deklaroi se rezultati i ndeshjes me Gjilanin ka qenë tejet i dhimbshëm, por që tashmë e kanë harruar. “Është pak e dhimbshme, sa i përket ndeshjes së para fundit që humbëm hapin për titull, por edhe ne duhet të jemi profesionistë të vazhdojmë futbollin. Nesër e kemi një sfidë që nuk do të jetë e lehtë, do të mundohemi të japim maksimumin që Ballkani me lojërat që ka treguar deri më tani, të tregojë edhe nesër futboll dhe të jetë pse jo edhe në Evropë”.

I qetë duket se është edhe futbollisti më i mirë i Ballkanit, Blend Baftiu.

 Ai për “SuperSport Kosova” deklaroi se nuk ndjenë fare presion ndaj Prishtinës dhe shpreson ta fitojnë ndeshje.“Po të them të drejtën nuk është ndeshja e parë ndaj Prishtinës deri tash, kam bërë katër ndeshje, nuk është ndonjë presion më i veçantë, thjesht jam fokusuar te ndeshja, nuk ka ndonjë presion tjetër. Shpresoj të arrijmë objektivin, që është fitore”.

Baftiu fitoi “Këpucën e Artë” duke shënuar 19 gola në 31 ndeshje në Superligë. Shpresat të Ballkanit do të jenë mbi supet e tij, duke ditur në formën që është duke kaluar.

Vetëm kualifikimi për në finale të Digitalb Kupës së Kosovës është histori për Ballkani, pasi për herë të parë do të luajë në finale.

Kujtojmë që dy skuadrat nuk kanë arritur të sigurojnë daljen në garat evropiane dhe do të synojnë që përmes fitimit të Kupës do të marrin biletën për në Evropë. Ballkani përfundoi në pozitën e tretë me 67 pikë ndërsa Prishtina.

Fituesi i Digitalb Kupës së Kosovës siguron daljen në Ligën e Evropës.

Finalja do të zhvillohet të mërkurën në stadiumin “Fadil Vokrri” me fillim të orës 17:45.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Shokohet Serbia: Futbollisti i njohur refuzon të luajë për Serbinë zgjedh një kombëtare tjetër

“Çfarë tronditje! Uros Djurdjevic, sulmuesi i Sporting Gijon dhe një ish-anëtar i ekipeve kombëtare të juniorëve të Serbisë, do të luajë për...

FC Prishtina fiton për herë të dytë turneun “Adem Jashari” 

FC Prishtina e ka fituar për herë të dytë trofeun e turneut tradicional në futsall “Adem Jashari”. Në ndeshjen finale të edicionit të 12-të...

FFK me projekt të ri për futbollin e femrave, subvencionohen lojtaret dhe trajnerët

Sot në ambientet e FFK-së është mbajtur një takim me përfaqësuesit e klubeve të femrave të Ligës së Parë dhe Ligës U16....

7 vjet nga miqësorja që theu barrierat – Ademi: Datat si kjo na motivojnë për suksese

Presidenti i FFK-së, Agim Ademi ka rikujtuar nëpërmjet një shkrimi ditën e miqësores së parë zyrtare kundër Haitit, e cila ishte zhvilluar më 5...

Recent Comments