E ardhmja e sulmuesit 17-vjeçar Ansu Fati duket se do të jetë sërish te Barcelona. Sipas “Sport”, skuadra katalanase është gati ta blindojë talentin e saj, që këtë sezon realizoi 7 gola në La Liga dhe 1 gol në Champions League, atë që eliminoi Interin.
Në dhjetor sulmuesi bën 18 vjeç dhe në kontratën e tij të parë si profesionist ai pritet të marrë një dhuratë të mirë. Një kontratë 5-vjeçare dhe rrogë të majme. Por po kaq e çmendur do të jetë edhe klauzola për ta lënë të lirë, 300 milionë euro.
Barcelona kërkon ta blindojë sulmuesin e talentuar, për të evituar që skuadrat e tjera të interesohen për të. Manchester United ka bërë një ofertë të mirë për sulmuesin, ndaj dhe katalanasit kanë nisur nga manovrat për të evituar ndonjë surprizë.
Barcelona blindon Ansu Fati me një klauzolë marramendëse
