No menu items!
Ballina FUTBOLLI VENDOR BATROVIC KUJTON DITËN KUR IU FESTUA DITËLINDJA NË STADIUMIN E PRISHTINËS

BATROVIC KUJTON DITËN KUR IU FESTUA DITËLINDJA NË STADIUMIN E PRISHTINËS

Kanë kaluar 37 vite nga kjo fotografi e rrallë dhe shumë atraktive nga derbi Prishtina-Partizani i Beogradit, zhvilluar në stadiumin e qytetit në Prishtinë në vitin 1983, para afro 40.000 shikuesve, shkruan gazetari Reshat Ibrahimi.

E Zoran Batroviçi, ish sulmuesi i gjeneratës së artë të KF Prishtina të viteve të 80-ta, fotografinë e kujton me mall të madh.

E veçanta e kësaj fotoje është se në atë ndeshje të madhe ish-sulmuesi malazez e kishte ditëlindjen (4 qershor 1958) dhe atij i ishte bërë një befasi e këndshme nga ëmbëltorja Elida. Batrovic mbushte 24 vjet.

“Ishte një surprizë për mua para derbit me Partizanin e Beogradit në stadiumin e qytetit në Prishtinë. E sollën një tortë të madhe. Edhe sot i falënderoj shumë të gjithë për tortën. Falenderim të madh edhe për tifozët e Prishtinës. Unë atë ditë e kisha ditëlindjen, mbushja 24 vjet. Kënaqësia ishte edhe më e madhe sepse atë ditë e mposhtëm Partizanin e madh me rezultat 2-1. Unë dhe Fadil Vokrri i patëm shënuar golat”, kujton ish-sulmuesi Zoran Batroviç për gazetarin Reshat Ibrahimi. Ai sot jeton në Podgoricë të Malit të Zi.

Zoran Batrovic së bashku me Fadil Vokrri (i ndjerë) përbënin dyshen e frikshme për çdo kundërshtarë.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Batatina: Kastriot Rexha e bëri diferencën

Trajneri i Llapit, Tahir Batatina, ka vlerësuar paraqitjen e skuadrës në pjesën e parë të ndeshjes ndaj Dritës. Llapi...

Nuhiu: Në pjesën e dytë shfrytëzuam lodhjen e Llapit

Trajneri i Dritës, Ardian Nuihu është shprehur i kënaqur me fitoren e skuadrës së tij ndaj Llapit. Trajneri nga...

Kosova fiton edhe miqësoren e dytë ndaj Maqedonisë së Veriut

Edhe në ndeshjen e dytë miqësore vashat e Kombëtares së Kosovës kanë arritur fitore në duel me Kombëtaren e Maqedonisë së Veriut,...

Drita fiton bindshëm ndaj Llapit

Kampionia në fuqi Drita ka shënuar fitore me rezultat bindës të dielën në stadiumin “Zahir Pajazit” në Podujevë, ndaj Llapit 4:2.

Recent Comments