No menu items!
Ballina FUTBOLLI VENDOR PRESIDENTI I FFK-SË TAKOI PROF. DR. LUL RAKA, DISKUTOHET MUNDËSIA E RIFILLIMIT...

PRESIDENTI I FFK-SË TAKOI PROF. DR. LUL RAKA, DISKUTOHET MUNDËSIA E RIFILLIMIT TË FUTBOLLIT

Presidenti i FFK-së, Agim Ademi ka takuar sot në zyrën e tij mikrobiologun nga Instituti Kombëtar i Shëndetësisë Publike të Kosovës, Prof. Dr. Lul Raka. Gjatë këtij takimi, sipas njoftimit të FFK-së, u bisedua për masat e lehtësuese rreth pandemisë Covid-19 që do të merren në ditët dhe javët në vazhdim, të ndara në faza, si dhe për mundësitë e rikthimit të garave të futbollit në vendin tonë. Presidenti Ademi e njoftoi Prof. Dr. Rakën me situatën në futbollin tonë dhe me faktin se deri më tash asnjë futbollist nuk është i prekur nga ky virus, me përjashtim të dy djelmoshave nga shkolla e futbollit e Ballkanit të Suharekës, të cilët tashmë janë në gjendje shumë të mirë shëndetësore. Presidenti Ademi shprehu nevojën që futbolli të kthehet sa më parë, duke pasur parasysh afatet që i ka paraqitur UEFA për federatat anëtare të saj për mbylljen e këtij edicioni garues, normalisht nëse për këtë ekzistojnë mundësitë dhe duke i ndërmarrë të gjitha masat e nevojshme dhe duke i respektuar rekomandimet nga institucionet shëndetësore për masat mbrojtëse në stadiume.

Nga ana e tij, Prof. Dr. Lul Raka u shpreh se është i vetëdijshëm për rëndësinë që ka aktiviteti sportiv, me këtë rast futbolli, duke pasur parasysh se në një periudhë ka qenë edhe vetë futbollist, por tha se tani prioritet mbetet shëndeti. Ai bëri me dije se aktiviteti sportiv është paraparë të lejohet në fazën e tretë të masave lehtësuese në muajin qershor, porse shumëçka varet prej ecurisë së rasteve me Covid-19 në ditët dhe javët në vazhdim. Presidenti Ademi dhe Prof. Dr. Raka u dakorduan që të mbesin në kontakt të vazhdueshëm, derisa u pajtuan që në këto rrethana shëndeti është mbi të gjitha. Gjithsesi, dëshira për t’iu kthyer garave dhe për ta mbyllur këtë edicion në mënyrë të rregullt mbetet e madhe, por çdo gjë do të vendoset në akord të plotë me UEFA-n, Institutin Kombëtar të Shëndetësisë Publike, Ministrinë e Shëndetësisë dhe Ministrinë e Sportit.


Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

U hodh shorti për Kupën e Kosovës në futsall

Sot në zyrën e Komisionit të futsallit në prezencë të kryetarit dhe të komisarit të garave është bërë tërheqja shortit për rrethin...

Disiplinori fton klubet borxhli në takim me lojtarët

Komisioni disiplinor i shkallës së parë në përbërje; Met Çeku – kryetar dhe Dukagjin Zefi, Luan Salihu, Avni Shala dhe Bekim Behrami...

Munishi: Shumë njerëz investuan që unë të largohem nga Ballkani

Trajneri i spikatur kosovar, Ismet Munishi ka folur për shkarkimin e tij nga klubi portokallezi nga Suhareka. “Shkarkimi im nga Ballkani? Shumë...

Huar Morina: E dinim fuqinë e Barçës, ishte ndeshje historike për gjithë Kosovën!

Trajneri i Prishtinës, Huar Morina ka folur në konferencë për media pas përfundimit të ndeshjes së Ligës së Kampionëve ndaj Barcelonës.

Recent Comments