No menu items!
Ballina SPORTE TJERA TMERROHEN MEDIAT SERBE; KOSOVA MBI SERBINË NË RANGLISTË

TMERROHEN MEDIAT SERBE; KOSOVA MBI SERBINË NË RANGLISTË

Federata Evropiane e Hendbollit ka njoftuar federatat nacionale lidhur me planet për edicionin e ardhshëm të kupave evropiane. Ndër të tjera është bërë e ditur për numrin e vendeve në kupa evropiane të federatave nacionale.

Numri i skuadrave është përcaktuar në bazë të ranglistës së EHF-së, që është përpiluar në bazë të rezultateve të skuadrave në edicionet e fundit të kupave evropiane.

Në ranglistën e EHF-së, Kosova qëndron më lartë se Serbia, raporton Koha.net. Në fakt Kosova e Serbia kanë nga gjashtë pikë dhe ndajnë pozitën e 29-të. Por EHF-ja e ka vendosur Kosovën para Serbisë në ranglistë.

Ky fakt është vlerësuar skandaloz nga media të Serbisë, por edhe media serbe nga Bosnjë-Hercegovina.

“Vendim skandaloz i EHF-së, e ashtuquajtura Kosova para Serbisë, lista pa BeH”, është titulli i shkrimit të publikuar të martën pasdite në sajtin “Mondo.ba”.

Në fakt Bosnjë-Hercegovina është edhe më poshtë se Kosova. Kosovës, njëjtë si Serbisë i lejohet një skuadër në Ligën Evropiane të edicionit të ardhshëm dhe tri skuadra në Kupën Evropiane. Bosnjës i lejohen vetëm tri skuadra në Kupën Evropiane, që i bie të jetë niveli i tretë evropian. Njëjtë i lejohen edhe Malit të Zi, Bullgarisë e disa vendeve tjera.

“Për rubrikën besoni apo jo. EHF ja publikuar rangimin e shteteve evropiane, klubet e të cilave do të garojnë në edicionin e ardhshëm të Ligës së Kampionëve, që duhet të filloj më 1 korrik, si dhe garave tjera që i organizon ajo. Është katastrofale e dhëna që në vendin e fundit është Serbia, ndërsa sipër saj, me numër të njëjtë të pikëve, është ‘Kosova’, klubet e së cilës deri më sot nuk kanë fitore sa përshembull Borci i Banjallukës e lëre më sa të gjitha klubet e Serbisë”, ka shkruar “Mondo.ba”.

Anëtari i Bordit të Federatës së Hendbollit të Bosnjë-Hercegovinës, Vojislav Ragja është shprehur i dëshpëruar për ranglistën e EHF-së.

“Nuk e dimë se si ka ardhur te ky kategorizim, që Kosova të jetë në listë e ne të mos jemi. I kam shikuar paraqitjet e ekipeve kosovarë në Evropë. Ato nuk kanë fitore sa ne nga Bosnja kishim vetëm vitin e kaluar. Si kanë fituar e ne nuk jemi në atë kategorizim, vërtetë nuk e kam të qartë. Federata së shpejti do të vendos në cilën mënyrë do të reagojë ndaj EHF-së”, ka thënë Vojislav Ragja.

Ndërkohë “Mondo.rs” ka shkruar se “Serbia ka prekur fundin, është turpëruar nga e ashtuquajtura Kosovë”.

“Nuk ka më keq se kjo: Hendbolli serb është më i keqi në Evropë. Madje edhe Kosova është e plasuar më mirë se ne”, është titulli i portalit tjetër serb, “espreso.rs”.

Ndërkohë në Federatën e Hendbollit të Kosovës thonë se ranglista dëshmon ngritjen e hendbollit kosovar, raporton Koha.net.

“FHK-ja në kohën e fundit është fuqizuar shumë, si me ekipe përfaqësuese ashtu edhe në garat e klubeve. Jemi në mesin e artë, falë rezultateve të përfaqësueses A, përfaqësueses U-21, përfaqësueses së femrave dhe klubeve. Tani inkuadrimi i një skuadre në Ligën e Evropës tregon fuqinë e FHK-së, duke e bërë edhe Serbinë të reagojë. Ne vazhdojmë me punë edhe më të madhe, sukseset na presin”, ka thënë sekretari i përgjithshëm i FFK-së, Izet Gjinovci.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Reali kthehet te fitorja, një super Benzema nderon Zidane

Real Madridi u rikthye te fitorja në transfertë kundër Alavesit për 4-1. Ekipi madrilen u rikthye te fitorja pas shumë problemeve dhe eliminimit nga...

Shpërthen Koeman: Nëse nuk ju pëlqen, ndërroni trajner

Barcelona, pasi ka humbur Superkupën e Spanjës dhe ka rrezikuar shumë në Kupën e Spanjës, kthehet të përqendrohet në kampionat. Nuk është kurrë një moment...

Ibrahimovic: Sot na kanë munguar shumë gjëra

Zlatan Ibrahimovic, sulmuesi i Milan-it, ka dhënë një intervistë për Sky pas humbje me Atalanta-n. “Sot kanë munguar shumë gjëra. Tani është e rëndësishme të...

Pioli shpjegon çfarë ndodhi kundër Atalantas dhe përgatitet për një natë pa gjumë

“Besoj se është e vetmja skuadër që nuk kemi arritur ta mundim. Atalanta e ka merituar fitoren. Ne e nisëm shumë mirë, është për...

Recent Comments